1. სალიცენზიო ხელშეკრულება
შპს „ართრონი“ მომხმარებელს ანიჭებს შეზღუდულ, არაექსკლუზიურ, არაგადაცემად და გაუქმებად ლიცენზიას (SaaS Subscription) პლატფორმასთან წვდომისთვის. პლატფორმის კოდი, დიზაინი და სქემები წარმოადგენს შპს „ართრონის“ ექსკლუზიურ ინტელექტუალურ საკუთრებას. გამოწერის აქტივაცია არ გადასცემს მომხმარებელს საავტორო უფლებებს ან კოდის საკუთრებას.
2. უსაფრთხოების წესები და შეზღუდვები
მომხმარებელს ეკრძალება სისტემის საპირისპირო ინჟინერია (reverse engineering), SQL/NoSQL ინექციების ან ნებისმიერი მავნე კოდის სისტემაში გაშვება. ყველა ფორმა გადის მკაცრ ვალიდაციას და სანიტარიზაციას. ნებისმიერი არაავტორიზებული ქმედება გამოიწვევს წვდომის მყისიერ დაბლოკვას.
3. გადახდები და თანხის დაბრუნება (B2B & B2C)
საქართველოს კანონის „მომხმარებლის უფლებების დაცვის შესახებ“ შესაბამისად, მობილური აპლიკაციით შეძენილ მომსახურებაზე მოქმედებს 14-დღიანი უპირობო თანხის დაბრუნების (right of withdrawal) წესი, თუ სარგებლობა არ დაწყებულა. B2B სეგმენტში, სპორტული ობიექტები თავად წარმოადგენენ გადახდების მიმღებ ოფიციალურ სუბიექტებს და ვალდებულნი არიან დამოუკიდებლად უზრუნველყონ კანონით გათვალისწინებული დაბრუნების პროცედურები.
4. მომხმარებლის გამორთვა და საარქივო პერიოდი
B2B ხელშეკრულების შეწყვეტისას, აქტიური საოპერაციო მონაცემები (სამუშაო გრაფიკები, კლიენტთა სიები) ინახება 30 კალენდარული დღის განმავლობაში მონაცემთა სრული ექსპორტისთვის, რის შემდეგაც იშლება live ბაზიდან. ფინანსური მონაცემები საქართველოს კანონმდებლობის შესაბამისად იბლოკება და ინახება უსაფრთხო არქივში 3 წლის განმავლობაში.
5. პასუხისმგებლობის შეზღუდვა
შპს „ართრონი“ არ არის პასუხისმგებელი B2B კლიენტებისა და B2C წევრების ურთიერთობაზე, მათ შორის აბონემენტის ფარგლებში გაწეული ფიზიკური მომსახურების ხარისხზე. პლატფორმა მოწოდებულია „როგორც არის“ (as is) პრინციპით.
ოფიციალური რეკვიზიტები: შპს „ართრონი“ (ს/კ 412799431), საქართველო, ქუთაისი, ნიკეას ქ., N 46ა, ბ. 17 | info@artron.ge